Se pensabas que a Operación Saída de Semana Santa era complicada, benvido ao día a día de Koruña, esa marabillosa península que os nosos gobernantes decidiron converter nunha xincana para ver canto aguanta a paciencia do koruñés medio. Entre o chuac-pum, as obras que nunca acaban e o asfalto que aparece e desaparece, aquí tes a crónica dunha cidade en "obras (des)eternas".
1. O adeus ao "Scalextric" do CHUAC: Un salto ao baleiro
A finais de marzo empezou o baile de verdade. O mítico viaduto que levaba ao hospital xa é historia, pero o que quedou no seu lugar é o caos. O corte total en A Pasaxe (esa arteria pola que antes pasaban coches e agora só pasan as moscas e as máquinas de demolición) deixou a entrada pola zona sur como un pescozo de botella.
 |
| Fin del acceso al Chuac. Foto de A Coruña Xa |
Din que o novo hospital vai ser o dobre de grande, pero polo de agora o que se duplicou é o tempo que tardas en chegar desde o Burgo. ¿Un mes de cortes en As Xubias? Sorte aos que teñen cita médica, porque van chegar para a revisión do ano que vén.
2. Lavedra: a obra de El Escorial (pero con máis atascos)
O de Alfonso Molina é para que mo fagan mirar. O que se vendeu como a gran remodelación de 18 millóns de euros está sendo un desfile de "chapuzas" e parches. Que se un prisma de telecomunicacións por aquí, que se unha tubaxe de 600 mm por alá. Agora un oleoducto que non se sabia que pasaba por ali... O resultado? Atascos de época en Matogrande e o acceso desde A Grela cortado cada dous por tres.
Parece que o proxecto o deseñou un fan de Tetris que non sabe onde poñer as pezas. ¿Carril bici? ¿Melloras nos accesos? De momento o único que vemos son conos laranxas e xente botando fume ao volante.
3. O "maquillaxe" do Paseo Marítimo
Se non tiñamos suficiente coas entradas, tamén nos cortan o escaparate. Dende o 6 de abril, o tramo entre o Aquarium e a Torre de Hércules volve estar baixo o mazo. Despois de quitar os raís do tranvía (unha ferida que aínda supura en moitos koruñeses), agora tócalle ao firme.
Unha semana de desvíos por Montealto para que o asfalto quede "bonito". ¿Cantas veces imos levantar o Paseo Marítimo nesta década? Se seguiran co tranvía, polo menos íamos con estilo aos atascos.
4. O "Bonus Track": Sardiñeira e Sagrada Familia
Para que non te aburras se vives no centro, temos os cortes de "longa duración":
Avenida da Sardiñeira: esa obra de saneamento que parece que busca petróleo, cortada dende maio de 2025.
Xubias de Abaixo: seis meses de corte (ata setembro!) que deixan a zona máis illada que unha illa deserta.
Sagrada Familia: peonalizacións e cortes ata finais de maio que teñen aos veciños facendo un máster en orientación.
5. Procesións, carreiras populares, entroidos, San Xoán, Fiestas de María Pita, partidos do Dépor....
Situación de la línea 11 hoy:
— Naftalina Coruña 🚍 (@NaftalinaCoruna) April 4, 2026
Lleno hasta el salpicadero, la gente pegada a la puerta de entrada, el conductor dejando pagar a gente por delante y entrando por detrás, nos ha recordado a los trenes de la India…
Más tarde lo hemos visto los buses igual de llenos en las líneas… pic.twitter.com/VFa8gdWneB
Koruña e os seus acontecementos deixan a cidade paralizada cando se celebra algo na cidade e ademaís o seu transporte público non permite dar una solución a os miles de persoas que queren saír o entrar da Koruña cando ten que usalos.
Dalgún xeito, o Concello e a Xunta puxéronse de acordo (¡por fin!) para algo: que non poidamos movernos. Se vas saír de casa, léva un libro, a batería do móbil cargada e un termo de café. Porque na Coruña de 2026, o destino non é o importante, o importante é o tempo que pasas mirando o parachoques do de diante.
No hay comentarios:
Publicar un comentario
Tú Koruño o simpatizante de Koruña City cuál es tu opinión???