Outubro chega con cheiro a empanada, música de orquestra e moita veciñanza nas rúas. O barrio do Ventorrillo, un dos máis vivos e auténticos de Koruña, volve converterse no epicentro da alegría coa celebración das súas festas populares, que este ano se celebran entre o venres 10 e o domingo 12 de outubro e prometen tres días de música, emoción e comunidade.
Non é unha festa calquera: son as festas máis grandes de barrio de toda Koruña, organizadas con esforzo e agarimo pola Comisión de Festas do Ventorrillo, que un ano máis conseguiu mobilizar a veciñanza, os hostaleiros e os comercios locais para facer posible un programa cheo de actividades para todas as idades.