No corazón dos Cantóns, a Fundación Barrié abre as portas a unha das exposicións máis esperadas do ano: “Álvarez de Sotomayor. A mirada dun século”, unha retrospectiva que celebra o 150 aniversario do nacemento do pintor ferrolán —e tamén alcalde de Koruña—, Fernando Álvarez de Sotomayor, un dos nomes fundamentais da pintura galega e española do século XX.
A mostra, comisariada por Javier Barón, xefe de pintura do século XIX no Museo do Prado, reúne 76 obras, algunhas delas nunca vistas en Galicia, e outras restauradas especialmente para a ocasión. Chegan de museos e coleccións privadas de España, Francia, Italia e Chile, país onde o artista tamén deixou fonda pegada como director da Escola de Arte de Santiago.
Pero máis alá dos lenzos, a exposición ofrece unha viaxe íntima pola vida do pintor: fotografías, cartas, bocetos, documentos persoais e mesmo recordos familiares, que amosan a súa humanidade, o seu labor incansable e o seu amor pola arte.