A ver, poñámonos en situación. Temos por diante unha alerta vermella por vaga de calor que nos vai deixar fritos como patacas de cachelo. A planta de Nostián está ao límite e sen empresa que a queira coller, os autobuses urbanos seguen sen renovar, o Palacio dos Deportes é unha sauna sen aire, e se tentas escapar de aquí en tren, igual quedas varado nun transbordo eterno. ¿Que nos queda aos koruñeses e aos veciños da comarca ante semellante panorama apocalíptico? Exacto: a verbena, o xantar e a churrascada e mergullarse no mar para loitar contra o calor.
Xa que María Pita nos ten en parada técnica, o pobo demostra que para organizar o lecer non precisa de pregos de condicións desertos. Esta fin de semana, o "forno atlántico" vaise combater a base de orquestras, polbo, cereixas e os míticos partidos de solteiros contra casados. Ademaís das verbenas de pobo e barrio na Koruña empeza o Atlantic Pride.
Aquí tes a guía definitiva para derretirse con dignidade en Koruña e arredores.