Por se a sarabiada con "pelotas de golf" da tarde do mércores non fora abondo, a atmosfera volveu ensañarse co mapa koruñés na mañá deste xoves. Unha espectacular e intensa tormenta eléctrica sorprendeu a primeira hora do día á veciñanza de Koruña, deixando imaxes de ciencia ficción sobre a baía do Orzán. Entre as seis e as sete da madrugada, un bombardeo constante de raios iluminou o ceo herculino en pleno amencer.
Segundo explicou Francisco Infante, delegado da Axencia Estatal de Meteoroloxía (Aemet) en Galicia, este violento episodio estivo provocado por unha DANA que se desprazou dende o suroeste ata situarse fronte á costa galega. Este fenómeno, ao petar de fronte co aire tan cálido que quedaba na superficie tras os días de bochorno, xerou un cóctel de máxima inestabilidade. As cifras oficiais de MeteoGalicia asustan e reflicten a magnitude do festival eléctrico: entre as cinco da mañá e as dez da alternativa rexistráronse 3.946 raios en toda a comunidade, dos cales exactamente 666 caeron de cheo en Koruña. Un número diabólico para coroar a semana máis salvaxe do ano.