Alarma nos Xardín de Méndez Núñez: Outra palmeira morta aviva a preocupación polo patrimonio arbóreo de Koruña

 A sangría e perda de exemplares arbóreos emblemáticos non cesa na nosa cidade. Se nas últimas semanas o debate estivo focado no agonizante metrosidero de Cantones, os centenarios olmos do Xardín de San Carlos ou no estado dos árbores de distintos barrios, agora os ollos volven situarse no histórico palmeiral dos Xardíns de Méndez Núñez, un conxunto vexetal de valor incalculable que forma parte do Catálogo de Árbores Senlleiras de Galicia.

A pasada semana certificouse a morte dun dos seus exemplares, situado moi preto do emblemático restaurante Copacabana. Trátase duna palmeira de menor porte e máis recente que as centenarias que presidiron o parque dende hai máis dun século, pero a súa perda volta encender todas as alarmas sobre a fraxilidade da flora urbana.

Non foi o picudo: a ameaza invisible do fungo Fusarium

Malia que a gran maioría das palmeiras mortas nos últimos anos pola xeografía coruñesa caeron vítimas do devastador picudo vermello (Rhynchophorus ferrugineus), neste caso o culpable foi un "inimigo invisible": o fungo Fusarium oxysporum.

Palmera muerta en Méndez Núñez. Foto de La Voz de Galicia

Así o confirmaron fontes municipais tras as análises realizadas durante os traballos periódicos de revisión do conxunto:

• Unha planta xa debilitada: o exemplar xa fora tratado con éxito contra o picudo vermello durante o ano 2025, pero o ataque do coleóptero deixara a palmeira cunha saúde moi delicada e vulnerable a infeccións secundarias.

• Como actúa o fungo? o Fusarium oxysporum ataca directamente os condutos da sabia ata bloquealos por completo. O síntoma máis evidente é un secado progresivo e asimétrico das follas inferiores.

• Morte irreversible: a diferenza doutras plantas, as palmeiras só contan cunha única xema apical. Unha vez que o fungo acada ese punto vital, a morte do exemplar é inevitable, como así sucedeu a pesar de manter aínda algunhas follas verdes.

A voz dos expertos e o estado do resto do palmeiral

A deterioración do exemplar non pasou desapercibida para os ollos duns veciños e expertos cada vez máis sensibilizados coa vexetación da cidade. A engiñeira agrícola especializada en xardinería Mónica Maceiras xa advertira semanas atrás que o exemplar carecía do seu característico "penacho", sinal evidente do seu pésimo estado de saúde.

Dende o Concello da Coruña quixeron enviar unha mensaxe de tranquilidade respecto ao conxunto histórico, asegurando que a inspección do plan de control serviu tamén para comprobar que o resto das palmeiras de Méndez Núñez atópanse en bo estado e ceibes desta infección de fungos.

Sen embargo, o debate na rúa segue aberto: Enfróntase Koruña a un problema de mantemento do seu patrimonio verde ou estamos ante o impacto inevitable do cambio climático e das pragas importadas?