Programa de San Xoan 2025

 Este ano, Koruña vaise prender de novo, e non só polos centos de cacharelas que se espallarán polas praias, rúas e prazas, senón polo fervor de toda unha cidade que vive esta noite como se fose a última do mundo.

A alcaldesa Inés Rey, que presentou hoxe a programación e o dispositivo especial, deixou caer unha cifra que mete respecto: 150.000 persoas agárdanse pola cidade esa noite. E para que todo vaia como debe, mil persoas estarán encargadas de que a maxia non se convirta en desgrazas: bombeiros, sanitarios, policías, voluntarios e quen faga falta para que cada lume brille sen queimar máis do debido.

Como sempre, o Concello puxo sobre a mesa algunhas normas básicas que haberá que respectar (aínda que sempre hai quen lle bota gasolina ao sentido común):

• As cacharelas só poderán estar nas zonas autorizadas, especialmente nas praias.

• Está prohibido utilizar madeira tratada ou mobles vellos, que xa non estamos no 1993.

• As greladas tamén terán zona designada, así que nada de montar o chiringuito diante da porta da casa.

• O vidro está vetado nas praias, así que mellor levar as cañas en lata e coidar dos pés alleos.

• Haberá accesos controlados e reforzo no transporte público, para que vaia todo rodado e sen sustos.

A programación cultural, como cada ano, promete lume do bo:

🎶 Concertos ao aire libre (La Guardia e Hey Kid)
🎭 Espectáculos e actividades infantís polas rúas
🌊 Rituals na praia de Riazor ao carón do lume e do mar
🕛 Gran queima de San Xoan á medianoite, con fogos, meigallo e a tradicional purificación co salitre.

Actuación Musical na Noite de San Xoán

• La Guardia, lenda do pop‑rock estatal, será a estrela da noite na explanada de Riazor. Chegados de Granada, encherán de hits gratuítos unha praia que ardía de emoción por vela-los ao vivo.

• Hey Kid, o artista catalán, encargarse de escorrentar o frío coa súa canción “Noche de San Juan”, himno da data que xa correu o rumor de escoitalo mentres a cidade se purifica no lume.

Ambos concertos forman parte dun San Xoán épico que inclúe fogueiras, foguetes e mil operarios coidando do disparadeiro, para que veñas, cantees e brilles sen preocuparte de nada máis.

E ti, xa tes listo o feixe de herbas de San Xoan?
Xa escribiches nun anaco de papel o que queres deixar atrás este ano?

Pois vaite preparando, que o lume xa comeza a rebulir na pedra e nas entrañas da nosa cidade.

San Xoan 2025 vai ser unha festa que cheirará a sardiña, herba mollada e futuro.
E nós, coma sempre, aquí estaremos para contalo.

Venres 13 de xuño

Lugar: Parque Europa
(Forum Metropolitano en caso de choiva)

• 18:00 h • Tigre de Papel – Obradoiro de decoración de sardiñas

• 19:00 h • Caxoto – Grandes éxitos 2004–2024

---

Sábado 14 de xuño

Lugar: Praza Elíptica
(CCM Os Rosales en caso de choiva)

• 18:30 h • Os Náufragos Teatro – Bulebule

Lugar: Parque de Santa Margarita
(Soportais da Casa das Ciencias en caso de choiva)

• 19:00 h • Cris de Caldas – Contos en lila

---

Domingo 15 de xuño

Lugar: Praza dos Avós
(CCM Monte Alto en caso de choiva)

• 18:30 h • A Maga Dani e Martín Camiña – Unha gran enleada de enredos

Lugar: Parque de Oza
(CCM de Monelos en caso de choiva)

• 19:00 h • Ghazafelhos – Historias para escagharriñar

Venres 20 de xuño

Lugar: Casa Museo Casares Quiroga

• 18:30 h • Pérez & Fernández – Nanaí da China

• 19:00 h • Caramuxo Teatro – Os Senteito

---

Sábado 21 de xuño

Lugar: Praza dos Pescadores
(CCM Pescadores en caso de choiva)

• 18:30 h • Artestudio Teatro – Contos no Ar

Lugar: Parque de Vioño
(CCM Os Mallos en caso de choiva)

• 19:00 h • Pedras de Cartón – Carapuchiña Vermella

Domingo 22 de xuño

Lugar: Praza de Pablo Iglesias
(CCM O Castrillón en caso de choiva)

• 18:30 h • Danthea Teatro – O Titir de Pierrot

• 19:00 h • Os Contos de Pablísimo – 25 anos de maxia e contos

---

Luns 23 de xuño

Lugar: Campo da Leña
(Soportais de María Pita en caso de choiva)

• 11:00 h • Tigre de Papel – Obradoiro de decoración de sardiñas

• 11:00 h • Taller de herbas de San Xoán

• 12:30 h • Aurora Artes Escénicas – Bosque.

• 19:00 h 

  Inicio do reparto de madeira

– En todas as praias autorizadas. Colla o teu feixe e prepara o lume

-Queima da falla, acendido das fogueiras e estalido de fogos de artificio

-As praias converteranse nun mar de lumes e estrelas.

• 00:20: Actuación de La Guardia: explanada de Riazor, con hits que fan vibrar a noite máis longa do ano.

• 01:50 h: actuación de Hey Kid: explanada de Riazor, para rematar cantando “Noche de San Juan” ao son das lapas.

• 06:00 h: aesaloxo das praias para a súa limpeza Comeza o proceso de devolverlles as praias ao mar e á cidade.