Koruña arrinca setembro como quen abre un libro novo, pero con moitas páxinas xa cheas de promesas. O Concello ten por diante un curso político cheo de proxectos que poden marcar a cidade para a próxima década.
O presuposto, o gran melón
A alcaldesa Inés Rey xa puxo sobre a mesa que o orzamento do 2026 será “central”. A idea é darlle prioridade ao plan de barrios e aos programas sociais, mentres se tantea un novo acordo co BNG. O tempo corre: este é o último tren para pactar antes das eleccións municipais de 2027.
 |
| Así quedará a nova intermodal una vez haxa rematado sua construcción. Imaxe del Ideal Gallego |
As obras que cambiarán a cidade
-
Intermodal e Alfonso Molina: deberían estar listas no verán.
-
Novo Chuac: tras atrancos varios, toca acelerar.
-
Tren ao porto exterior: clave para o futuro económico.
-
Centro de saúde de Santa Lucía: obras a piques de comezar.
 |
| O porto interior espera un nuevo plan para reordenarlo. Foto de El Debate. |
A gran transformación: a fachada marítima
Neste curso coñeceranse os cinco finalistas do concurso internacional para redefinir os peiraos interiores. No verán saberemos cal será o proxecto gañador: a maior transformación urbana que vivirá Koruña en décadas.
Cantóns e Riazor
No corazón da cidade, a obra para facer peonís os Cantóns entra na súa fase decisiva, co obxectivo de rematar en 2026. E antes de que acabe este ano presentarase o proxecto de reforma de Riazor para o Mundial 2030.
 |
| O gran proxeto do Novo Riazor para o Mundial 2030. Imaxe de El Español. |
Vivenda: As Xubias como punta de lanza
Avanzará o convenio con Ginkgo Advisor para levantar vivendas e espazos públicos en As Xubias. Tamén se esperan novidades en Visma, monte Mero e outros puntos.
 |
| Novas urbanizacións como a do Monte Mero nos próximos anos. Foto de El Ideal Gallego |
Turismo: regular as VUT e cobrar taxa
A mediados de setembro remata o prazo para que os donos de vivendas turísticas regularicen os pisos. Pouco despois entrará en vigor a taxa turística: entre 1 e 2,5 euros por persoa e noite.
 |
| A cidade medra hacia a Ponte de Pasaxe e As Xubias, no que será una extensión do paseo marítimo do Burgo que entrará no municipio koruñés. Foto de Opinión Coruña |
Plan de barrios: 125 millóns en xogo
Máis de 300 actuacións previstas ata 2027. As últimas aprobadas:
-
Barrio das Flores: novo ascensor.
-
Sagrada Familia: ronda peonil.
-
Labañou: melloras na seguridade viaria.
Ademais, xa están en marcha as obras nos centros cívicos de O Castrillón e Santa Lucía.
Ordenanzas e contratos
-
Este mes: ordenanzas sobre praias, mobilidade e VTC.
-
Outubro: subida do recibo do lixo.
-
Contratos clave: Nostián este ano, bus urbano na primeira metade do 2026.
Conclusión rabuñeira
Este curso político en Koruña vén cargadiño: orzamentos en negociación, barrios en obras, un mar interior que se vai redeseñar, e un Riazor que soña con Mundial. Agora falta saber se todo isto queda en proxecto ou se de verdade imos ver as grúas traballar.
No hay comentarios:
Publicar un comentario
Tú Koruño o simpatizante de Koruña City cuál es tu opinión???