Carral celebra su festa da empanada

Se hai un lugar onde a empanada manda, ese é Carral. Xunto co pan, este manxar converteuse no produto estrela do municipio, e o xoves 4 de setembro arrancou a súa cita máis saborosa: a Festa da Empanada, que este ano cumpre 50 edicións. Medio século non se celebra todos os días, e menos se é con máis de 12.000 racións vendidas o ano pasado, que queren repetir —ou superar— este 2025 no Campo da Feira.

Presentación con sabor a forno

O alcalde Javier Gestal, acompañado das concelleiras do goberno e das panadarías protagonistas (Mercedes, Pedro Fernández, Cañás e Da Cunha), deu o pistoletazo de saída. O rexedor lembrou que esta festa é tradición pura e dura, grazas ao esforzo dos panadeiros, que manteñen viva unha cita que serve de broche final ás festas de verán na honra da Nosa Señora do Socorro.

Prezos e variedades

Este ano, as racións veñen cun prezo ben claro:

• 5 euros para empanadas de bonito, bacallau e polo.

• 7 euros para as máis “premium”: zamburiñas, polbo e bacallau con pasas.

Un luxo a prezo popular para meterlle o dente sen remorsos.

Música e verbena

Porque non só de empanada vive o koruñés, a xornada vén cargadiña de música:

• Faíscas da Pontagra (18:30)

• Arnela (19:30)

• Xacarandaina (20:30)

E cando a noite caia, a verbena colle forza coas orquestras Los Satélites e Cinema, dentro das Festas do Socorro.

Carral non só fai pan nin empanadas: fai comunidade, tradición e festa. E este 50 aniversario vai ser deses que deixan recordo, cun pracer que sabe mellor porque se comparte. Así que xa sabedes, rabuñas: ide cedo, collede sitio e deixade sitio tamén no bandullo.

ingleiras que falan por si soas

As colas eternas diante dos mostradores xa eran de esperar. Ninguén se sorprendeu, e moito menos os panadeiros dos obradoiros Mercedes, Pedro Fernández, Cañás e Da Cunha, que levaban días con forno a tope para que ninguén quedase sen o seu anaco. As variedades máis buscadas? Pois as de sempre: bonito, bacallau con pasas e polbo, as favoritas dos veciños das Mariñas.

12.000 racións na memoria

Á espera da cifra oficial, os organizadores puxeron toda a carne (e todo o peixe) no asador para igualar ou superar as 12.000 racións vendidas o ano pasado. Un reto que xa se converteu en tradición, como as Festas do Socorro, das que esta cita é o mellor aperitivo.

A xente enchéndose de kilos de empanadas onte en Carral. Foto de El Ideal Gallego

Panadeiros e tradición

O alcalde, Javier Gestal, lembrou que sen o traballo dos panadeiros e panadeiras, esta historia non sería posible:

“Esta traxectoria sería imposible sen os panadeiros e as panadeiras, que redobran esforzos ao longo destes días para chegar ás cifras de vendas e facer que a empanada siga sendo un dos estandartes de Carral”.

E razón non lle falta: Carral fixo da empanada unha bandeira que cada setembro xunta a milleiros de persoas arredor dun mesmo sabor.

Música e festa

Non todo foi comer. O escenario encheuse coas actuacións de Faíscas da Pontagra, Arnela e Xacarandaina, que puxeron ritmo e cor á tarde, mentres a noite rematou con verbena de altura dentro das Festas do Socorro.

E xa vedes, rapazada, en Carral non quedou nin migalliña de empanada. Iso si, quen non madrugou quedou mirando para o fociño, que a xente da aldea sabe ben que nas festas o primeiro que se garda é sitio na mesa e o segundo, sitio diante da orquestra. E quen diga o contrario, que veña e o probe. Rabuñadas coma sempre, con máis festa ca traballo, como debe ser!

Carral celebrou medio século de festa con forno, tradición e orgullo. Lonxe de perder forza, a cita segue medrando ano tras ano, reafirmando esa identidade local que se serve en prato de papel, con cheiro a pan quente e recheo que sabe a gloria.