O Museo Arqueolóxico cumpre 57 anos e o porto abre ventás á historia das Molucas

 Koruña está de festa cultural e histórica. Por un lado, o Castelo de San Antón celebra o 57 aniversario do Museo Arqueolóxico cunha programación chea de conferencias, visitas, obradoiros e música. Por outro, a Autoridade Portuaria convértese no escenario dun ciclo de conferencias que nos leva cinco séculos atrás, cando dende o noso porto partían expedicións cara o fin do mundo coñecido.

O Museo Arqueolóxico sopra 57 velas no Castelo de San Antón

O programa esténdese do venres 3 ao domingo 5 de outubro e inclúe actividades para todos os públicos:

Museo Arqueolóxico

Venres 3 de outubro

• 18:30 h – Conferencia da Asociación de Amigos sobre Pedra Cuberta, a cargo dos arqueólogos Lino Gorgoso e Fernando Carrera.

• 20:30 h – Noche Internacional de la Observación de la Luna no Castro de Elviña, organizada pola Asociación Ío (sempre que o tempo acompañe).

Sábado 4 de outubro

• De 12:00 a 24:00 h – Xornada de portas abertas no museo.

• 12:00 h – Visita guiada (inscrición previa no 981 189 850).

• 12:00 h – Taller infantil: acceso á sala de investigación do museo e manipulación de réplicas arqueolóxicas.

• 17:00 h – Taller infantil: arquitectura defensiva a través do Castelo de San Antón.

• 18:00 h – Visita guiada.

• 19:00 h – Taller de adultos sobre procesos de restauración e conservación de pezas.

• 21:00 h – Visita guiada nocturna.

Domingo 5 de outubro

• 12:00 h – Visita guiada polo museo.

• 13:00 h – Sesión vermú no patio de armas con concerto de O Acorde Secreto.

---

Da Coruña ás Molucas: 500 anos dunha expedición esquecida

Cada xoves de outubro ás 19:30 h no Salón de Actos da Autoridade Portuaria terá lugar o ciclo Da Coruña ás Molucas. V Centenario da Expedición de García Jofré de Loaysa (1525), cunha conferencia semanal:

• Xoves 9 de outubro – 19:30 h
  A Coruña e o seu porto no tempo da Casa da Contratación da Especiaría (1522–1529). O soño imposible do comercio coas Molucas.
  Ponente: Alfredo Vigo Trasancos.

• Xoves 16 de outubro – 19:30 h
  Do Atlántico ao Pacífico: Galicia no contexto dunha exploración oceánica.
  Ponente: David Rodríguez Couto.

• Xoves 23 de outubro – 19:30 h
  Enfrontamentos nas Molucas (1527–1529).
  Ponente: Emilio C. Ojea Saball.

• Xoves 30 de outubro – 19:30 h
  De A Coruña ás Molucas: mercadores e homes de negocio do norte na financiación das rutas á Especiaría.
  Ponente: Amparo Rubio Martínez.

---

Dúas caras dunha mesma moeda

Entre o pasado arqueolóxico da nosa terra e as expedicións oceánicas que saíron do porto, Koruña lembra estes días que a súa identidade está feita de pedra antiga, salitre e memoria. Unha cidade que mira ao mar pero tamén ao seu castelo, onde cada pedra garda unha historia.

E xa se sabe: en Koruña, a cultura sempre chega co aire fresco da ría… ou cun bo vermú no patio de armas.