Cando pensas que en Koruña xa o viches todo (entre temporais de ondas de 7 metros e cruceristas con andador), a noite herculina volve a deixarnos coa boca aberta. Se ves un resplandor por Os Castros, Monte Martelo ou o Burgo, non chames a Íker Jiménez: son os xinetes enmascarados que voltaron a cabalgar polas nosas rúas.
Ás de luz e ferraduras no asfalto
Este fenómeno, que xa se converteu en habitual pero que non deixa de sorprender, ten a media cidade co móbil na man. Non todos os días ves a un cabalo trotando pola rúa da Torre ou pola avenida de Koruña ás tantas da madrugada, e moito menos con ás iluminadas que parecen saídas dunha película de ciencia ficción.
Onde se deixaron ver: recentemente foron vistos por Os Castros, onde a usuaria @lashgiia puido gravalos en todo o seu esplendor. Pero non paran: tamén irromperon en silencio na Asociación Monte Martelo, espertando a curiosidade de veciños e socios que non daban crédito ao que vían.
 |
| Xinetes enmascarados frente a Asociación de Monte Martelo. Foto de El Ideal Gallego |
O misterio: van enmascarados, avanzan en silencio e, aínda que se paran a sacar fotos coa xente e presumen da súa fazaña, a súa identidade segue a ser o secreto mellor gardado de Monte Alto e arredores.
¿Como chegan ata aquí?
A maioría dos koruñeses pregúntanse: "¿Pero onde gardan o cabalo? ¿No garaxe?". A curiosidade é tal que xa hai fotos circulando de como transportan aos animais pola cidade. Unha loxística impecable para dar ese paseo nocturno que, coas boas temperaturas que tivemos, parece o plan máis exclusivo da urbe.
 |
| Transporte de cabalos para levalos a cidade. Foto de El Ideal Gallego |
Do Burgo ata o centro, estes xinetes están a recuperar unha estampa de tradición mesturada con modernidade led que lle dá á noite coruñesa un aire de misterio marabilloso.
 |
| Jinetes enmascarados en O Burgo. Foto de El Ideal Gallego |
No hay comentarios:
Publicar un comentario
Tú Koruño o simpatizante de Koruña City cuál es tu opinión???