120 anos de Dépor, tranvías e o tiburón Gastón: Chega o 'Calendario Histórico' que é pura enciclopedia de koruñesismo

Para quen guste de saber por onde pisa e que había baixo o asfalto antes de que puxeran as baldosas, xa hai novo obxecto de desexo nas librarías e kioscos da cidade. Presentouse a edición do Calendario Histórico 2027, unha auténtica "enciclopedia de koruñesismo" impulsada pola Asociación Galega de Xornalistas do Deporte (Agaxorde), co apoio do Concello e o patrocinio de Tranvías Koruña.

Froito do traballo de investigación do historiador Xosé Alfeirán e do xornalista Rubén Ventureira —nutrido co impresionante arquivo fotográfico da colección Bartolomé-Chavert—, o almanaque reúne máis de 650 efemérides e trece imaxes históricas para poñerlle a memoria ao día a todas e todos os koruños.

E ollo, que a historia non para: o calendario inclúe feitos tan recentes coma a recente despedida este xullo de Gastón, o mítico tiburón e estrela do Aquarium Finisterrae.

O Dépor, protagonista no ano do seu 120º aniversario

Cadrando co regreso a Primeira División e a celebración dos seus 120 anos de vida, o Real Club Deportivo ten un peso de ouro na publicación:

• Portada: unha imaxe histórica dun partido no antigo campo de Riazor (na zona das Esclavas), co Banco Pastor de fondo, no que o Dépor proclamouse campión galego fronte ao Celta.

• Setembro: Operarios traballando na construción do actual estadio de Riazor entre 1943 e 1944, onde aínda se pode contemplar o desaparecido Pórtico de Olimpia antes de ser derrubado para erguer o Palacio dos Deportes.

Un roteiro fotográfico mes a mes pola Koruña do pasado

As trece estampas do almanaque son unha viaxe no tempo polas rúas e costumes da nosa cidade:

• Xaneiro: Os Cantóns nos anos 40, dominados polos clásicos tranvías.

• Febreiro: Atletas participando nos insólitos Xogos Olímpicos de Monelos de 1917.

• Marzo: As mulleres vendendo peixe no peirao da Palloza (o segundo gran motor laboral das koruñesas despois da Fábrica de Tabacos).

• Abril: O Concurso Hípico de 1908, máis centrado na "postura" aristocrática que no propio deporte.

• Maio: A zona de San Diego coas ruínas do antigo castelo antes da chegada do porto petroleiro.

• Xuño: A actual Praza do Humor cando aínda era a Praza dos Ovos.

• Xullo: Unha emotiva estampa de nenos na contorna de Oza ou Elviña capturada polo pioneiro José Sellier.

• Agosto: Unha multitudinaria Batalla das Flores enchendo os Cantóns en 1944.

• Outubro: A coronación da Virxe das Dores en María Pita no ano 1929.

• Novembro e Decembro: O peirao de Linares Rivas e as obras da Palloza coa Fábrica de Tabacos vixiando o fondo.

Como ben resumiron na presentación a alcaldesa Inés Rey e o director de Tranvías Ignacio Prada, trátase dunha ferramenta de memoria viva para lembrarnos que cada día formamos parte da historia desta cidade. Se queres ter un bo anaco de Koruña colgado na parede, xa estás tardando en ir polo teu!