A gran guía do fin de semana (29): Koruña e a súa comarca botan o resto co arranque de María Pita e ducias de festas

 Chega a fin de semana máis agardada do verán. Koruña abre oficialmente o seu mes máis grande co inicio das Festas de María Pita 2026, pero a área metropolitana non se queda atrás: dende a alta gastronomía mariñeira en Oleiros ata feiras modernistas, rituais ceboleiros con xeados exclusivos e verbenas de romaría tradicional.

Se non sabes a onde ir este fin de semana do 1 e 2 de agosto, agarra o calendario porque en Koruña Rabuña traémosche o mapa definitivo para non perderte nada.

Koruña: pregón de risas, feiras e o gran concerto de Luz Casal

A cidade herculina arranca os seus festexos patronais por todo o alto no centro da cidade.

• Sábado 1 de agosto: os Xardíns de Méndez Núñez encenden o ambiente coa Feria del Libro e a gran mostra de artesanía Mostrart. O prato forte chegará á Praza de María Pita: ás 21:00 h, a actriz Lucía Veiga dará o pregón inaugural e, xusto despois (22:00 h), a gran Luz Casal ofrecerá o concerto estrela para abrir a programación das Noites de María Pita.

• Domingo 2 de agosto: continúan a artesanía e os libros durante todo o día, mentres que a noite na praza principal (22:00 h) estará reservada para o talento e a forza de Mercedes Peón.

Lorbé (Oleiros): A maratón gastronómica do Carmen e a procesión marítima

Se o teu é comer ben e bailar a fume de carozo, Lorbé é a túa parada obrigatoria.

• Sábado 1 de agosto: ás 17:30 h sairá a procesión marítima da Virxe do Carmen ata o porto, co son do grupo de gaitas A Marola. A partir das 19:00 h arranca a Festa do Polbo e, ás 22:30 h, gran verbena coa orquestra Marbella.

• Domingo 2 de agosto: misa (13:00 h), sesión vermú con callos e a música de Tania Veiras, que repetirá pola noite tras a XXXIV Festa do Mexillón. Nota da comisión: Haberá música no bochinche dende as 18:00 h e o aparcadoiro é de balde.

Sada: a viaxe no tempo da Feira Modernista

Sada volve aos felices anos 20 coa súa emblemática Feira Modernista na contorna da Terraza e a praia das Delicias.

• Sábado 1 de agosto: mercado de 12:00 a 23:00 h, visitas guiadas, obradoiros, bautismo aéreo en globo aerostático (19:00 h) e unha noite chea de ritmo con Pizarracleta (19:30 h), Manu Gómez New Orleans Band (21:00 h) e Hot Chocolates (23:00 h).

• Domingo 2 de agosto: paseos turísticos no autobús de época (mañá e tarde), picnic popular libre nos xardíns ás 14:00 h, espectáculos co Mago Teto, taller de baile swing e o gran concerto de peche Billie Holiday’s SongBook by Marian Ledesma (21:00 h) detrás de La Terraza.

Miño: 25º aniversario da Cebola Chata... ¡con xeado exclusivo!

A Feira da Cebola Chata de Miño celebra este domingo 2 de agosto os seus 25 anos cunha novidade inédita: Bico de Xeado creou para a ocasión un xeado de cebola chata caramelizada que só se poderá probar este día.

• Domingo 2 de agosto (Día completo): Mercado tradicional dende as 10:00 h, obradoiros de restras e artesanía en vivo, romaría con Brincadeira e degustacións de cebola en salpicón (13:30 h) e empanadas variadas (19:30 h). Ás 20:30 h presentaráse oficialmente o famoso xeado e o peche correrá a cargo do mítico grupo Zapato Veloz (21:00 h) xunto a unha cea de navallas e churrasco.

Verbena e romaría parroquia a parroquia

Se prefires o encanto das festas de campo, a comarca está chea de opcións:

Bergondo (San Fiz de Vixoi)

• Sábado 1: Dianas, misa (13:30 h) e sesión vermú con Lume. Pola tarde (19:00 h), Fiesta del Langostino e verbena nocturna con Lume e Xilo e Carlos con Melchor.

• Domingo 2: Concentración de coches clásicos, degustación de callos (12:30 h) e fin de festa co Dúo Karamba.

Cambre (Cecebre e Viós)

• San Salvador de Cecebre: Sábado 1 con Dúo D'Vicio. Domingo 2 con dianas, festa da espuma e toro mecánico para nenos (18:00 h) e a orquestra Acordes. O luns 3 haberá Fendetestas Rock 80's con Los Limones e Los Claretes, e o martes 4 a gran churrascada con Los Satélites.

• San Salvador de Viós: Sábado 1 con Ritmo, Impacto e DJ Drew Corme. Domingo 2 coa I Festa da Cervexa e o Dúo D'Vicio. O luns 3 haberá churrascada veciñal e verbena con New York e Unión y Fuerza.

Arteixo e Abegondo

• Armentón (Arteixo): celebracións da Romaría dos Remedios o sábado 1 con misas dende a mañá, sesión vermú "non stop" e a actuación da A.C. Triskell.

• Limiñón (Abegondo): sábado 1 con alboradas, misa (13:30 h), sesión vermú e verbena a cargo de Alma Latina e espectáculo de baile con Salsanova Show. Domingo 2 con fin de festa a cargo do Dúo Maracuya e sorteo de 200 €.