Oriana la novena borrasca, a por ella

Semella que este febreiro de 2026 non nos quere dar tregua. Se aínda estamos sacudindo a auga de Nils e Olga, xa temos aquí a Oriana, a novena borrasca da tempada, que chega este venres con ganas de facer barullo. E atención, porque esta vez non vén soa: trae baixo o brazo unha masa de aire polar húmida que nos vai deixar os focos de Riazor tiritando.

Alerta Laranxa: o mar, protagonista en Koruña

A AEMET non anda con bromas e activou o aviso laranxa en toda a costa da Koruña (e tamén en Lugo e Pontevedra). Oriana vai empurrar o Atlántico contra o noso litoral con moita forza.

Oriana a las 16:00. Eltiempo.es

• Olas de cine: agárdanse ondas de gran calado que poden facer que o paseo marítimo volva ser zona de guerra. Moito ollo se pasades polo Matadoiro ou as Escravas; o mar vai estar moi "bravo".

• Vento e chuvia: aínda que o aviso laranxa por vento queda máis cara ao Mediterráneo e o sur, aquí na Coruña estaremos en aviso amarelo por chuvia. Agárdanse precipitacións fortes e persistentes, das que non dan tregua nin para ir comprar o pan.

Neve ás portas e termómetros en caída libre

O máis rechamante de Oriana é o frío que trae. Coa entrada de aire polar, a cota de neve no noroeste vai esmorecer ata os 700-1000 metros. Non sería de estrañar que vexamos as montañas de Lugo e Ourense ben brancas (aviso amarelo por neve alí), e que aquí na costa sintamos ese frío cortante que che obriga a sacar a bufanda do Dépor ata para estar na casa.

As temperaturas van sufrir un descenso xeralizado. As máximas van caer de xeito notable e as mínimas daranse ao final do día. Imos pasar un venres de "frio do carallo", así que ide preparando o caldo.

---

O Semáforo de Oriana en Coruña:

• 🟢 VERDE: os encoros. Se seguimos así, imos ter auga para exportar. Cecebre debe estar a piques de transbordar con tanta visita ilustre (Francis, Harris, Ingrid, Kris, Leonardo, Nils, Olga e agora Oriana).

• 🟡 ÁMBAR: a cota de neve. Atentos se tedes que viaxar cara á Meseta pola A-6; León e as montañas de Lugo van estar complicadas. Levade as cadeas por se as moscas.

• 🔴 ROJO: o perigo no mar. Co aviso laranxa por ondas, non é día para facerse o valente. A combinación de vento do oeste e mar de fondo fai que a nosa costa sexa unha trampa para os curiosos.

Nota Rabuñenta:

"Oriana é xa a novena borrasca deste 2026 e apenas levamos mes e medio de ano. A este ritmo imos acabar o abecedario antes de que cheguen os Maios. Mañá venres, plan de sofá, manta e mirar como ferve a chuvia tras do cristal, porque fóra vai estar a cousa para non sacar nin o can."