A invasión máis tola da historia: máis de 60.000 persoas, 8 cruceiros, Mourinho, Rosana e electrónica para recibir o eclipse total en Koruña

 Faltan moi poucos días para que a Lúa faga historia sobre o ceo koruño. O vindeiro mércores 12 de agosto de 2026, a nosa cidade converterase nun dos poucos lugares do mundo privilexiados para contemplar un eclipse total de Sol, un espectáculo astronómico de primeira categoría que non se repetirá nesta terra ata o ano 2180.

A magnitude do evento levou ao Concello, á Autoridade Portuaria, á Universidade da Coruña (UDC) e a decenas de promotores privados a despregar un plan de continxencia sen precedentes. Moveranse máis de 60.000 persoas, chegarán 8 cruceiros en 48 horas e a cidade ofrecerá desde congresos científicos de alto nivel ata partidos de gala, concertos de orquestra e festivais de electrónica ao pé do Atlántico.

Para que non te perdas nada nin te quedes a escuras (máis do conta), aquí tes a guía máis completa para sobreviviron ao eclipse en Koruña.

A cronoloxía do ceo: horarios exactos do fenómeno

Para quen queira axustar o reloxo, a ocultación solar na cidade seguirá este cronograma estrito segundo o Observatorio Astronómico Nacional:

• 19:31 horas — Inicio da fase parcial: a Lúa comezará a "morder" o disco solar polo bordo occidental. A luz empezará a tinguirse dous tons máis tenues e estraños.

• 20:28 horas — A TOTALIDADE (O momento cumio): o Sol quedará 100% cuberto pola Lúa durante 1 minuto e 16 segundos. A escuridade farase case absoluta, a temperatura caerá varios graos en cuestión de segundos, os paxaros recolleranse pensando que é noite pechada e a liña do horizonte amosará unha impresionante luz crepuscular de 360 graos.

• 20:30 horas — Fin da totalidade: o Sol reaparece co característico efecto de "anel de diamantes".

• 21:22 horas — Fin do eclipse: o satélite abandona definitivamente o disco solar, xusto co solpor habitual no Atlántico.

Puntos de observación recomendados

Secuenciación del eclipse. 

Macrodispositivo no porto: invasión de 20.000 cruceiristas

O Peirao de Trasatlánticos vivirá un dos picos de tráfico marítimo máis elevados da súa historia recente. O porto koruño acollerá 8 cruceiros entre o 11 e o 12 de agosto, sumando máis de 20.000 pasaxeiros que deixarán un impacto económico directo de 2 millóns de euros no comercio e na hostalería local.

• O 11 de agosto (Triple escala previa): chegarán o Ambience (con máis de 2.000 viaxeiros dentro do itinerario especial Adventure to France & Spain and the Solar Eclipse), o gran Iona (con 6.264 pasaxeiros) e o prestixioso Crystal Serenity. Este último fará noite no peirao para partir de madrugada cara a alto mar con convidados ilustres como o astronauta da NASA Jeffrey Hoffman e a célebre cazadora de eclipses Lori Bremner.

• O 12 de agosto (A quíntuple escala histórica): cadrando co día D, coincidirán nas liñas de atracado o Liberty Of The Seas, o Borealis, o Celebrity Apex, o Celebrity Equinox e o Explora III. Ademais, o Queen Anne amarrará no peirao con 3.000 viaxeiros listos para ver a totalidade a pé de rúa.

• Dispositivo de seguridade: o Porto mobilizará a máis de 200 persoas en labores de consignación, seguridade, remolque e practicaxe para coordinar o movemento continuado de pasaxeiros e buques.

¿Que pasa coas nubes? a Zapateira como o 'Plan B' oficial dos koruñeses

A gran pantasma do verán no noroeste é a néboa mariña ou o tradicional nordés. Dende a AEMET e MeteoGalicia insístese en que as predicións das apps móbiles automatizadas carecen de validez técnica a varios días vista e que o diagnóstico certeiro non se saberá ata a propia mañá do evento.

Aínda así, a meteoroloxía xa ten unha recomendación clara se o litoral amañece cuberto de nubes baixas: A Zapateira.

• A vantaxe da altitude: Con máis de 200 metros de cota sobre o nivel do mar, A Zapateira queda de xeito habitual por riba da capa de néboa que entra pola ría do Burgo ou pola enseada do Orzán.

• Alertas de tráfico: Dende a asociación veciñal da Zapateira advértese de que se agardan importantes colapsos nos accesos ao monte durante a tarde do 12 de agosto, polo que a Policía Local ten deseñado un operativo especial de fluxo viario para evitar o bloqueo dos residentes.

• Outras alternativas elevadas: Se buscas escaparlle á costa, os meteorólogos sinalan tamén o Monte Xalo ou as zonas altas do concello de Culleredo e Arteixo.

Unha axenda de lecer e ciencia multitudinaria

Máis alá de mirar ao ceo, a cidade ofrece alternativas para todos os gustos para os momentos previos e posteriores á ocultación:

1. Trofeo Teresa Herrera en Riazor (21:00 h): o partido estrela encherá as 30.000 localidades do estadio de Riazor co enfrontamento entre o Deportivo e o novo Real Madrid de José Mourinho, arrancando en pleno proceso de desbandada do eclipse.

2. Los Satélites en María Pita (22:00 h): Unha vez recuperada a luz do sol, máis de 8.000 persoas congregaranse na praza para ver o concerto homenaxe a Pucho Boedo no 40.º aniversario da súa morte.

3. Rosana no Anfiteatro de Santa Margarita (18:00 a 20:00 h): A cantante canaria ofrecerá un recital gratuíto para 4.000 persoas dentro dos actos de celebración do 30º aniversario do seu mítico disco Lunas Rotas.

4. Wake Up Eclipse na Cúpula do Matadoiro: a electrónica poñerá o punto de vangarda cunha sesión de balde para 2.000 persoas co dúo Solardo e os mellores representantes da escena DJ local.

5. Cume científico da UDC: menteiras a rúa celebra, máis de 500 astrónomos e cosmólogos de todo o mundo debaterán no Rectorado e no CITIC nos congresos New Frontiers in Cosmology e Third Solar MHD Conference.

Recomendacións de seguridade para os e as koruñas

Dende Proteción Civil lembran que nunca se debe ollar directamente ao Sol sen protección homologada, xa que pode producir lesións irrecuperables na retina.

• Filtros e lentes de eclipse: só se deben empregar lentes certificadas baixo a norma ISO 12312-2. Quedan totalmente prohibidas as lentes de sol convencionais, os radiografías, os cristais afumados ou os filtros caseiros.

• Cámara e prismáticos: se vas empregar telescopios, cámaras de fotos ou prismáticos, estes deben levar o filtro solar adecuado na parte frontal da lente, nunca diante do ollo se o instrumento non está protexido na entrada de luz.

• O único momento seguro: só se poderá ollar a simple vista sen protección durante os 76 segundos da totalidade estrita (entre as 20:28:10 e as 20:29:26). Cando reapareza o primeiro raio de luz, haberá que poñer de novo as lentes.

Preparan o instrumental, busquen un bo sitio fronte ao mar ou no monte, e a gozar dun día que Koruña tardará séculos en repetir!