De Zaccafé a MEGA: Koruña prepárase para a semana das estreas (e das reestreas)

Se pensabas que despois do temporal de Harry ía vir a calma, estabas moi equivocado. En Koruña as noticias voan e o vindeiro 31 de xaneiro está marcado en vermello no calendario. Pero antes, este mesmo venres, o noso museo favorito volve abrir as portas. Aquí tes o que cómpre saber para non perderte nada.

Zacaffé: o novo "templo" de Zara na rúa Compostela

O 30 de xaneiro diremos adeus á mítica tenda de Juan Flórez (a primeira da historia de Inditex, tras 50 anos nesa esquina), pero ao día seguinte, o 31 de xaneiro, nace algo novo: o Zacaffé, mentras pecha a primeira tenda da marca. 

Imáxenes do novo negocio de Zara, cafeterías Zaffé. Foto de https://www.reasonwhy.es/

• Onde: na flagship store da rúa Compostela, con entrada independente pola Praza de Mina.

• O concepto: será a segunda cafetería de Zara en España (despois de Madrid) e promete ser o sitio de moda para facer o brunch.

• Identidade coruñesa: aínda que Zacaffé xa triunfa en París ou Seúl, aquí terá o noso selo. Rumoréase que o deseño fará homenaxe ás nosas galerías da Mariña ou ao modernismo local. ¡Incluso podería haber unha vaixela dedicada á tenda da Coruña!

• O plan: podes ir só a tomar un café e unha bollería ou aproveitar para botar un ollo á nova colección. O horario será o mesmo que o da tenda.

MEGA reabre as portas tras un 2025 de récord

E para os que prefiren a cervexa ao café, este venres 23 de xaneiro o Museo de Estrella Galicia (MEGA) volve á carga. E faino despois dun ano histórico no que venderon 58.000 entradas (case 10.000 só en agosto).

Museo MEGA

• Éxito internacional: o museo xa é unha parada obrigatoria para turistas de EE.UU., Reino Unido e Alemaña. O que máis triunfa? A visita con tiraxe e maridaxe de queixos ou embutidos.

• Os #PlanazosMEGA: o 2025 foi o ano dos sold out (dende o Orgullo Friki ata o Oktoberfest). Este ano non promete ser menos.

• Próxima cita: Entroido MEGA. xa hai data para a primeira gran festa: o venres 13 de febreiro. Haberá concurso de disfraces, menú de Terra Food e cervexas sorpresa nunha cea maridaxe que xa ten as entradas á venda.

---

Koruña segue reinventándose. Por un lado, o imperio de Zara dános unha nova forma de vivir a rúa Compostela, e polo outro, Estrella Galicia confirma que o seu museo xa é un dos motores culturais da cidade. Pasamos do loito do tren e o susto do temporal a unha axenda cargada de sabor.