Hai partidos que chegan no momento xusto. Nin antes nin despois. O Dépor–Racing deste domingo as 21:00 h é un deses encontros que serven para medir onde está realmente o equipo e, sobre todo, cara onde pode ir. Vén de gañar en Almería no mellor partido da tempada e recibe ao líder nun Riazor que promete volver vestirse de noite grande, con mosaico, música e ese punto de loucura que tantas veces marcou a diferenza na historia deste club.
O triunfo en terras andaluzas foi moito máis ca tres puntos. Foi a confirmación de que o Deportivo pode volver ser un equipo responsable, recoñecible, competitivo e cos seus futbolistas importantes rendendo ao nivel que se lles esixe. Yeremay, Mario Soriano e Mulattieri —por talento, cabeza e significado— puxeron enriba da mesa sinais moi claras de recuperación futbolística e anímica. E iso, chegados a este punto da tempada, vale ouro co Racing a 4 puntos que poden ser 7 o 1.
Poñer en valor a primeira volta (e aprender da caída)
Non hai que esquecer de onde vén este Dépor. A primeira volta arrincou con ilusión, cun proxecto que parecía sólido: adestrador, fichaxes, idea clara. Pero o fútbol tamén ten estas cousas. Chegan as malas rachas, as lesións, as decisións dubidosas e, de súpeto, todo se pon patas arriba. O equipo chegou a sumar só dous puntos de quince, e o que máis preocupou non foi a falta de resultados, senón as dúbidas defensivas xeradas por detalles que non deberían ter tanto impacto, como a baixa dun lateral dereito.
Cando se tomou a decisión de recolocar pezas —Loureiro, Noubi— o Dépor volveu competir na categoría. Sen alardes, pero con máis orde.
A xestión do gol, unha ferida aberta
Se hai un punto discutible na xestión do equipo foi o posto de dianteiro centro. Zakaria respondeu cando saía desde o banco, Mulattieri achegaba moito máis do que dicía o seu marcador, pero a aposta por Stoichkov como nove xerou confusión. Nin un nin outro terminaron de asentarse e mesmo se buscaron solucións de emerxencia con Bil.
Algo parecido ocorreu na portería. A saída de Germán, o xogador máis regular do equipo, non parecía xustificada. Por sorte, a profesionalidade evitou un problema maior, pero foi un movemento innecesario nun equipo que xa tiña suficientes incógnitas abertas.
Almería: o punto de inflexión
E entón chegou Almería. Tras a melloría vista na Copa, apareceu por fin o Dépor que todos querían ver. Un equipo serio, con compromiso colectivo e con futbolistas determinantes disfrutando no campo. Yeremay, cando está a gusto, cambia todo. E ao seu redor, o equipo respira mellor.
Outro dos grandes motivos para o optimismo é o rendemento dos laterais. Quagliata converteuse nunha realidade incontestable e Altimira foi un auténtico acerto da dirección deportiva. Ambos elevaron o nivel dunha banda que durante meses foi un problema.
Mario Soriano, entre dúas augas
O uso de Mario Soriano no dobre pivote facilita as transicións, pero tamén lle resta presenza preto da área, onde é diferencial. Non é Riki —o organizador puro que se fichou— e iso obriga a un equilibrio complexo. A súa intelixencia futbolística permite tapar carencias, pero tamén evidencia unha falta estrutural para xerar fútbol con continuidade cando o Dépor debe levar a iniciativa.
O equipo funciona mellor cando pode correr, roubar e atacar espazos. Cando ten que levar o peso do partido, aparecen os atascos.
A volta de Mulattieri e a mellora defensiva
O gol en Almería pode ser un punto de liberación para Mulattieri, o dianteiro que máis aporta no colectivo e que estaba pagando mentalmente unha suplencia prolongada. Se recupera confianza, o Dépor gaña moito.
Defensivamente, segue habendo dúbidas no centro da zaga, pero Noubi deu un paso adiante en contundencia e os laterais ofrecen garantías. Co regreso de Ximo e Escudero, todo apunta a que Altimira e Quagliata seguirán sendo titulares. Iso fala do salto de calidade dado nas bandas.
O Racing: o peor rival posible
E xusto agora chega o Racing de Santander, líder, máximo goleador e equipo con máis volume ofensivo da categoría. Un conxunto que non deixa de marcar, que vive do talento e das relacións entre xogadores máis ca dun sistema ríxido. Un fútbol funcional, caótico e moi difícil de defender se non estás concentrado os noventa minutos.
Xa o sufriu o Dépor na ida, cando perdeu personalidade co balón e acabou sendo superado. Agora, en Riazor, o desafío é distinto: resistir, sufrir cando toque e aproveitar as fendas que deixe un equipo que ataca moito… pero tamén concede.
Un partido que mide máis ca puntos
Antonio Hidalgo foi claro: este tipo de partidos adoitan chegar ao final da tempada, pero o calendario quixo poñelo agora. Non decidirá nada, pero marcará tendencia. Riazor debe empurrar, incomodar, levar ao equipo nese punto de éxtase que tantas veces foi decisivo.
O Deportivo chega mellor, máis convencido e cunha identidade que empezaba a esvaecerse e que volve asomar. O Racing chega como líder e favorito. O contexto é perfecto.
Porque cando o Dépor compite con responsabilidade, cando Yeremay sorríe e cando Riazor late, o fútbol —ás veces— volve ter sentido.
Racing de Santander 2025-26: un rival de talento e intensidade
O Racing de Santander chega a Riazor non só como líder da Liga Hypermotion, senón como un dos equipos máis completos e perigosos que pode verse na categoría este ano. O cadro cántabro destaca pola súa capacidade ofensiva, o volume de xogo e a súa idea de buscar sempre a posesión, pero tamén pola variedade de recursos cos que conta no seu vestiario.
Jokin Ezkieta — O seguro baixo paus
No corazón da defensa está o porteiro Jokin Ezkieta. Compostela en Navarra, consolidouse como titular tras chegar procedente do Athletic e converteuse nun muro para os santanderinos. A súa presenza tranquiliza a zaga e é clave nas transiciones rápidas, tanto por salvamento baixo paus como polo control da área nos balóns parados.
Iñigo Vicente — A mente creativa
Un dos xogadores máis determinantes do Racing é Iñigo Vicente. O atacante vasco é o principal organizador e creador de oportunidades, capaz de sumar goles e asistencias con regularidade. A súa habilidade para conectar con compañeiros e xerar ocasións fai del un perigo constante para as defensas rivais, e ademais chegou a cifras importantes de xogos destacados esta tempada.
Andrés Martín — O tirador
Se Vicente é o cerebro, Andrés Martín é o brazo que dispara. Capaz de xerar perigo a partir de calquera posición ofensiva, o madrileño é un dos referentes goleadores do equipo e unha ameaza constante nos últimos metros. O seu regreso á convocatoria para Riazor é unha mala noticia para os herculinos, pois a súa mobilidade e capacidade de definición desequilibran partidos.
 |
| Ollo as galopadas e disparos de Martín. Foto de racinguismo.com |
Asier Villalibre — O punta de referencia
Xunto coas figuras creativas, o Racing ten a Asier Villalibre, un dianteiro potente que combina capacidade física con instinto goleador. O atacante foi clave en vitorias importantes, demostrando que pode ser decisivo cando se lle pide destacar no último tramo.
 |
| Villalibre, na sua primeira temporada no Racing. |
Manex Lozano — O saltón sorpresa
Un dos nomes que máis está a dar que falar no Racing este ano é Manex Lozano, cedido polo Athletic Club. Moi novo pero con gol, o pamplonés estivo anotando en momentos clave e apreitando minutos como relevo ofensivo. Para un equipo que quere ascender, ter alternativas así é un luxo tremendo.
Gustavo Puerta e Peio Canales — O corazón do medio
O centro do campo tamén é un punto de forza no Racing. Gustavo Puerta e Peio Canales achegan equilibrio entre contención e apoios cara adiante. Puerta ofrece presenza defensiva, mentres que Canales achega ritmo e ideas no último terzo. Ademais, desde o banco acostuman a achegar dinamismo e frescura cando o encontro pide reaccións.
A defensa e o bloque
A zaga cántabra pode non ter nomes tan mediáticos como as estrelas do ataque, pero conta con xogadores sólidos: Álvaro Mantilla é a voz de mando na liña atrás, mentres que elementos como Javier Castro e Maguette Gueye achegan físico e compromiso nas tarefas defensivas. Esa combinación permite ao Racing manter estrutura e fiabilidade no seu último tramo defensivo.
Un equipo que marca sempre
Un dos datos máis chamativos do Racing esta tempada é a súa constante anotadora: marca en case todos os partidos da liga e converteuse no equipo con maior volume ofensivo da categoría. Esa capacidade de producir xogadas con perigo e remates de forma regular fai deles un rival moi difícil de conter, mesmo cando se enfrentasen a defensas ben organizadas.
En conxunto: un rival completo e versátil
O Racing non é un equipo de só un ou dous nomes. Ben dirixido por José Alberto López, o equipo ten polivalencia táctica, alternancia de sistemas e recursos tanto en defensa como en ataque. Dispoñen de competencia en case todas as posicións, poden xogar cun dianteiro potente, con mediapuntas creativos, e tamén con varaibles defensivas diferentes segundo o rival que teñan diante.
En resumo: cando o Racing está ben, non só ataca moito senón que crea xogo, domina e sabe como facer dano con xogadores de talento e experiencia. Esto explica por que lidera a Segunda e por que é un dos rivais máis temidos de Riazor esta tempada.
Dépor – Racing: onde pode estar o partido… e como debería xogalo o Dépor
O Racing de Santander é, seguramente, o rival máis completo que pasa por Riazor esta tempada. Ten talento, ten gol e ten automatismos moi claros. Precisamente por iso, o Dépor non debería caer no erro de querer gañar o partido desde a precipitación, senón desde a orde, a lectura dos momentos e o talento que ten arriba.
 |
| Posible once de los dos equipos según DXT. |
1. Bloque xunto e liñas curtas: cortar a cabeza da serpe
O primeiro obxectivo ten que ser desactivar a Iñigo Vicente. Non necesariamente cunha marca individual, pero si cunha vixilancia constante: non deixalo recibir cómodo entre liñas nin virar con tempo. Cando o Racing consegue que Vicente pense, o partido escápaselle a calquera.
 |
| O cerebro de Racing. Foto da Cadena Ser |
Aquí é clave o traballo do dobre pivote: José Ángel e Mario Soriano (ou quen ocupe esa zona) teñen que estar atentos para saltar á presión sen romper o equipo. Mellor obrigar ao Racing a xogar por fóra que deixarlle o carril central.
2. Non rifar o balón: paciencia, mesmo cando Riazor aperta
O Racing vai presionar alto en moitos momentos, pero non é un equipo invulnerable atrás. O Dépor debe asumir que haberá fases longas sen chegar á área e non perder a cabeza. Cada perda innecesaria é unha transición perigosa para Andrés Martín ou Villalibre.
Aquí o papel dos centrais e dos laterais é clave: sacar o balón limpo, mesmo con risco controlado, e non converter o partido nun ida e volta que favorece aos cántabros.
3. Yeremay, o desequilibrio… pero con espazo
Se o Dépor ten unha baza diferencial é Yeremay. Pero para que sexa decisivo necesita espazo para correr, non recibir sempre en estático con dous rivais enriba. O ideal é atraer ao Racing cara a un lado e buscar cambios de orientación rápidos para que Yeremay encare en situación de vantaxe.
 |
| Yeremay ten na sua rapidez e habilidade os factores decisivos para dar a victoria a o Dépor. |
Se o partido se abre, aí o canario pode facer moito dano. Se se pecha, tocará paciencia e repetir intentos.
4. Atacar as costas dos laterais do Racing
O Racing é atrevido e os seus laterais súmanse moito ao ataque. Iso deixa espazos ás súas costas. O Dépor debería buscar desmarques diagonais, especialmente desde segunda liña, e aproveitar segundas xogadas tras rexeites.
Non fai falla chegar vinte veces: con chegar ben cinco ou seis, pode abondar.
5. Partido longo: o banco tamén xoga
Outro punto clave: non todo se decide nos primeiros 60 minutos. O Racing ten fondo de armario, pero o Dépor tamén pode cambiar o ritmo co banco: máis velocidade, máis descaro, máis verticalidade cando as pernas xa pesan.
Aquí o Dépor debe ler o partido e escoller cando acelerar, non facelo por inercia nin por ansiedade.
En resumo
Se o Dépor consegue:
-
Manter o bloque xunto
-
Reducir a influencia de Iñigo Vicente
-
Non regalar transicións
-
E atopar a Yeremay en vantaxe
O partido estará abertísimo. Non é un duelo para gañar a golpes, senón para gañar por cabeza e por detalles. E Riazor, se o equipo transmite serenidade, pode facer o resto.
Un deses partidos nos que non fai falla brillar todo o tempo… abonda con facelo no momento xusto.
Racing de Santander vs Deportivo de La Coruña — historial e estatísticas claves
O historial recente entre os dous
Segundo os datos de confrontos directos nos últimos anos, o Racing leva vantaxe sobre o Deportivo:
-
En aproximadamente 25 partidos oficiais, o Dépor venceu 9, o Racing venceu 7 e houbo 9 empates no conxunto do historial histórico. No total, o Dépor marcou 54 goles e o Racing 30.
-
En enfrentamentos máis recentes dos últimos tempos, os cántabros tiveron mellor dinámica: nas últimas 5 citas directas, o Racing leva 4 vitorias e 1 empate, sen que o Dépor lograse gañar ese bloque.
-
Nun dos últimos partidos desta tempada (19 de outubro de 2025), o Racing impúxose 2-1 no seu feudo fronte ao Deportivo.
En resumo: o Racing ten un historial favorable nos duelos recentes, especialmente nos compromisos máis recentes de liga, mentres que a historia máis ampla dos clubs é máis equilibrada.
Resultados nos últimos enfrontamentos directos
Aquí tes unha idea dos últimos choques:
-
19/10/2025 — Racing Santander 2 – Deportivo 1 (LiGA Hypermotion) — victoria do Racing.
-
En vinte e poucos encontros máis nos anos recentes, predominan os resultados estreitos, con bastantes 2-1 e 1-2 entre os dous equipos.
-
No total, nas últimas 7 vez que se enfrentaron contados polos principais agregadores, o Racing venceu 4, o Dépor 2 e houbo 1 empate.
O resumo é claro: en enfrontamentos directos recentes hai un lixeiro claro vantaxe para os de Santander, aínda que moitos dos encontros foron bastante reñidos.
Que din as casas de apostas para o partido?
As casas de apostas teñen en conta tanto o momento de forma como o historial directo. Segundo varios portais de pronóstico e cuotas:
Probabilidades e principais mercados
-
Victoria do Racing — é a opción favorita en moitas casas, con cuotas que xiran ao redor de ~2.30-2.50, o que lle dá máis probabilidade implícita aos cántabros respecto ao Dépor.
-
Empate — ten tamén cuota significativa (sobre ~3.30-3.50), indicando que os libros ven posible un reparto de puntos.
-
Vitoria do Deportivo — as casas tamén a ofrecen, con cuotas que nalgúns casos chegan perto de ~2.18, o que mostra que non é descartada se o Dépor defende ben e aproveita o factor Riazor.
Outros mercados interesantes
-
A opción de que ambos equipos marquen ten cuota atractiva, traducindo que se espera que sexa un partido con gol de ambos lados, dada a capacidade ofensiva do Racing e a tendencia do Dépor nesta tempada.
-
Algúns pronósticos apuntan a un resultado parecido aos últimos duelos (1-2 a favor do Racing), aínda que con advertencias de que o Dépor en casa podería sorprender.
Tendencias de forma e influencia na lectura de cuotas
Segundo os datos de rendemento de ambos os equipos esta tempada:
-
O Racing leva unha gran racha ofensiva e segue sendo un dos equipos máis constantes ao marcar, incluso nas súas xornadas como visitante.
-
O Deportivo, aínda que con certa oscilación de resultados, chega con máis confianza despois da vitoria en Almería e cunha tendencia de melloría defensiva nos últimos partidos.
Isto explica por que as casas colocan ao filón cántabro como favorito, pero cunha marxe estreita que tamén dá opción ao triunfo coruñés, especialmente se Riazor empurra dende o inicio.
En conclusión
O histórico entre Racing de Santander e Dépor di que os dous equipos se coñecen ben e fan partidos trabados e emocionantes. Nos últimos choques, o Racing leva vantaxe directa, pero a diferenza nas últimas tempadas non é insalvable. As casas de apostas ven ao Racing con lixeiro favoritismo, pero tamén dan valor ao Dépor en casa, sobre todo pola súa capacidade de marcar e polo factor Riazor.
Será, polo tanto, un duelo de alto risco e de poucos detalles, onde cada ocasión e cada decisión táctica poden decidir a balanza alá ou acolá.
Dépor - Racing: Un derbi contra "Ingrid" (e o que debes saber antes de ir a Riazor)
Esta noite Riazor non só vai ruxir polas afeccións; vai ruxir porque Ingrid decidiu que o partido se xogue no medio dunha alerta vermella/laranxa que non dá tregua. Se vas ao estadio, prepara o chuvasqueiro (e a paciencia), porque o clima vai condicionar o fútbol de xeito radical.
1. O factor "Vento do Noroeste": balóns con vida propia
As previsións falan de refachos de vento de noroeste que poden superar os 70-80 km/h no interior do estadio (que, como sabemos, fai efecto "embude").
Influencia técnica: esquece o xogo de toque longo ou os cambios de orientación elevados. O balón vai facer estraños no aire. Os porteiros van sufrir o que non está escrito nos saques de meta e nos centros laterais.
Vantaxe táctica: o equipo que mellor saiba xogar "por abaixo" e teña máis precisión no pase curto terá media vida gañada. Un balón parado con este vento pode ser un gol olímpico ou unha pelota que sae por banda sen explicación.
2. O céspede mollado
MeteoGalicia advirte de chubascos e algo de vento.
Estado do campo: o drenaxe de Riazor é dos mellores, pero coa cantidade de auga acumulada estes días, o campo estará rapidísimo. O balón vai deslizar como un auténtico proxectil.
Risco de lesións: un campo tan rápido e pesado carga as pernas e aumenta o risco de escordaduras ou tirones. O esforzo físico de hoxe vai valer por dous partidos.
3. A "Sinfonía do Atlántico": o mar a uns metros
Cunha alerta vermella por ondas de ata 10-12 metros e sen a duna de Riazor para protexer, a atmosfera no estadio vai ser eléctrica.
 |
| Os ruxidos do público e o de o mar en tempestad. Foto de El Ideal Gallego. |
Ruído e distracción: o estrondo do mar batendo contra a coiraza e tronos de unha posible tormenta o púbico pode chegar a formar un sonido ensordecedor. Isto inflúe na comunicación entre os xogadores no campo: hoxe máis que nunca, o Dépor e o Racing terán que xogar de memoria.
4. A sensación térmica: o "frío polar" de Riazor
Aínda que o termómetro marque uns 8ºC - 9ºC, a humidade próxima ao 90% e o vento do noroeste farán que a sensación térmica sexa de apenas 2ºC ou 3ºC.
Rendemento físico: os xogadores tardarán máis en quentar e o risco de enfriamento nos descansos é real. Para a afección, hoxe o "postureo" queda na casa: toca levar o equipo completo de expedición ao Ártico.
O partido de hoxe non vai ser para os máis virtuosos, senón para os máis "rizos". O equipo que mellor lea as correntes de vento e non se desespere ca choiva levará o derbi. A falta da duna de Riazor, co mar as portas do estadio a piques de inundalo, o muro hoxe ten que ser a defensa deportivista.
¿Ti como o ves? ¿Cres que o temporal beneficia ao xogo de toque do Dépor ou ao bloque sólido do Racing? Sexa como sexa, hoxe en Riazor o fútbol vai ser heroico.
O "Efecto Riazor" contra o Santander: o orgullo koruñés non entende de alertas vermellas
Desta volta non hai derbi galego, pero hai algo igual de intenso: a visita do Racing de Santander. O equipo cántabro chega a unha Koruña que é un auténtico furacán, e se o Santander pensa que o temporal vai ser o seu único problema, é que non sabe como ruxe Riazor cando se xoga contra un histórico.
 |
| Un novo temporal a volto a danar a coberta do estadio. Os bombeiros ten que actuar e quitar as partes que poden desprenderse. Foto de Deporte Campeón |
 |
| Os Bombeiros atentos para levarse as planchas desprendidas po lo vento. Foto de Deporte Camepón |
1. 25.000 "tolos" contra o frío polar
A pesar de que Ingrid está a lanzar granizo como se non houbera un mañá, a asistencia prevista roza os 25.000 espectadores. Isto, nun partido de Segunda contra o Santander, é unha mensaxe clara: á afección do Dépor dálle igual que o mar leve a duna, que o mar chegue a Praza de Pontevedra ou que a Torre se apague.
Presión sobre o rival: o Santander é un equipo que sabe xogar baixo presión, pero o "efecto caldeira" de Riazor nun día de temporal é outra historia. O ruxido da grada, mesturado co estalo dos tronos, crea unha atmosfera intimidante que vai facer que os cántabros se sintan moi lonxe do Sardinero.
2. A débeda coa afección
Os xogadores do Dépor saben que hoxe ir ao estadio é un acto de heroísmo. Ver as gradas cheas cunha sensación térmica de 2ºC obriga ao equipo a dar ese plus de intensidade. Contra o Santander, o Dépor ten que xogar co corazón quente para compensar o frío da grada. Esa gratitude transfórmase en agresividade positiva no campo: cada balón dividido hoxe ten que ser noso.
3. O "duelo" de históricos
O Racing de Santander é un dos equipos que máis respecto (e ganas) xera en Riazor. É un partido con sabor a Primeira, e a afección sabe que gañar hoxe é dar un golpe na mesa da categoría. As ganas de demostrar que A Coruña é de elite, pase o que pase no ceo, van facer que a animación non pare nin un segundo, nin sequera baixo a chuvia máis intensa.
4. ¿Axuda ou estorbo o temporal?
O Santander adoita ser un equipo ordenado. Unha afección entregada que non para de berrar pode facer que os xogadores visitantes perdan a concentración nos momentos críticos (saques de esquina, faltas ao bordo da área). O público vai ser o que "empurre" o balón cara á portería de Marathon cando as pernas fallen polo cansazo e o frío.
O veredicto de KR
Hoxe o partido é contra o Racing de Santander, pero a batalla é contra os elementos. Se o Santander esperaba unha Koruña calada polo temporal, vaise levar unha sorpresa de 25.000 voces. O fútbol en Riazor hoxe vai ser épico, de bota e barro, e con esa afección empurrando, os cántabros vánselle levar a primeira granizada en forma de goles.
¡Saca o chuvasqueiro e a bufanda! ¿Cres que o Santander saberá aguantar o tirón de Riazor ou que Ingrid e a nosa afección os van mandar de volta a Cantabria sen puntos?
Máxima Alerta en Riazor: Ultras, Ingrid e un dispositivo de seguridade "blindado"
Koruña hoxe non só loita contra o mar e o vento; loita por manter a paz nas rúas. A confirmación do desprazamento de grupos radicais do Racing de Santander (cos coñecidos como La Gradona de los Malditos á fronte) obrigou a activar un dispositivo de seguridade excepcional que rodea todo o perímetro de Riazor e as zonas de "viños" do centro.
 |
| Ultras do Racing de Santander. Foto de DXT |
 |
| Ultras do Dépor a carón dos do Racing na Praza de Pontevedra. Foto de DXT. |
O dispositivo
A Policía Nacional e a Local non queren sorpresas. Nun día onde a visibilidade é escasa e o ruído da tormenta pode camuflar altercados, o control está sendo férreo:
Escolta dende a entrada da cidade: os autobuses e vehículos particulares de afeccionados cántabros están sendo monitorizados dende a AC-11 (Lavedra). A idea é "embolsar" aos grupos máis perigosos para que non teñen contacto directo coa afección local antes do partido.
Reforzamento de UIP: hai despregadas varias unidades de intervención (antidisturbios) que patrullan as inmediacións de Riazor, a Praza de Pontevedra e a zona da rúa Galera para evitar "quedadas" ou emboscadas entre grupos radicais.
Control de accesos: a policía está a realizar rexistros exhaustivos para evitar a entrada de calquera tipo de obxecto perigoso ou pirotecnia, que co vento de Ingrid podería causar un desastre nas gradas.
O perigo: ¿Que pode producir esta mestura explosiva?
A combinación de ultras + temporal + rivalidade histórica é un cóctel perigoso:
Encontros fortuitos: ao estar os parques pechados e as zonas de ocio limitadas pola alerta vermella, moita xente concéntrase en soportais e bares, o que aumenta a probabilidade de que grupos rivais coincidan en espazos pechados moi pequenos.
Dificultade de movemento: coas rúas anegadas de auga e o vento, as cargas policiais ou as manobras de dispersión son moito máis perigosas tanto para os axentes como para os cidadáns de a pé.
Tensión acumulada: a viaxe dende Santander baixo o temporal Ingrid non axuda a que os ánimos veñan calmados. O cansazo e o frío adoitan ser malos conselleiros nun ambiente xa de por si hostil.
A seguridade hoxe ten un reto dobre: protexer á xente do temporal e protexer á cidade dos violentos. É unha mágoa que nun día onde deberiamos estar pendentes de se a duna aguanta ou de se o Dépor gaña, teñamos que estar mirando por riba do ombro por se aparecen os de sempre coas ganas de estragar a festa.
O "Xuíz" de Ingrid: ¿quen manda hoxe en Riazor?
Se o Dépor e o Racing teñen que loitar contra o temporal, o equipo arbitral liderado por Carlos Muñiz Muñoz ten o reto de que o partido non se converta nunha batalla campal ou nun caos por culpa do clima. Analizamos aos protagonistas que terán que decidir se o balón roda ou se se detén o xogo se a borrasca aperta de máis.
O Árbitro Principal: Carlos Muñiz Muñoz
O aragonés Muñiz Muñoz é un árbitro que destaca por manter o listón das faltas alto, deixando xogar, algo que hoxe —nun campo rápido e pesado— pode ser un arma de dobre fío.
Perfil: non é un árbitro especialmente "tarxeteiro" de inicio, pero non lle trema o pulso se o partido se endurece. Nun céspede onde os esvaróns van ser constantes, terá que diferenciar moi ben o que é unha entrada temeraria do que é un accidente por culpa da auga.
O reto hoxe: co vento de 80 km/h, terá que estar moi preto da xogada para compensar a falta de visibilidade que poden causar os chuvascos intensos.
Os linieres: Fernando Estela Bravo e Brais García Valín
Hoxe o traballo de Estela Bravo e do galego (atención aquí) Brais García Valín vai ser un inferno.
O factor vento: con Ingrid soprando de noroeste, o balón vai facer estraños constantes. Determinar se un balón saíu por completo de banda ou se un fóra de xogo é posicional nun pase longo desviado polo vento vai esixir unha concentración absoluta.
O factor casa: ter a un galego coma García Valín na banda sempre é unha nota curiosa, aínda que a profesionalidade está por riba de todo; coñece ben o "clima Riazor".
O búnker do VAR: Caparrós Hernández e Melero López
Aquí está o "seguro de vida" de Muñiz Muñoz. Iván Caparrós Hernández estará aos mandos do monitor, coa axuda do experimentadísimo Mario Melero López (un vello coñecido de Primeira División).
Por que son claves hoxe?: se unha granizada ou a chuvia intensa impiden que o árbitro principal vexa un penalti ou unha agresión, o VAR hoxe vai ter máis traballo que nunca. Melero López aporta esa veteranía necesaria para dar calma nos momentos de máxima tensión.
O ollo clínico: nun campo onde as caídas van ser constantes, o VAR terá que hilar fino para non pitar penaltis que só sexan "patinazos" polo estado do céspede.
Muñiz Muñoz en Riazor: a designación que acendeu ao deportivismo máis que un raio de Ingrid
Se o partido contra o Racing de Santander xa era complicado, a RFEF decidiu botarlle máis gasolina ao lume poñendo ao mando a un vello coñecido que a afección koruñesa non quere ver nin en pintura: Carlos Muñiz Muñoz. En Riazor a pregunta é unánime: ¿De verdade non había ninguén máis para un partido de alto risco e baixo un temporal histórico?
Un historial de "atracos" que a grada non esquece
O malestar non é unha rabecha de hoxe; vén de atrás. A afección do Dépor garda na retina varias actuacións de Muñiz Muñoz que custaron puntos e moito enfado:
O "VOR-to" da Rosaleda: este mesmo curso, Muñiz Muñoz estivo no VAR durante o partido contra o Málaga. Foi el quen avisou ao árbitro de campo para que anulase un gol de Zakaria Eddahchouri por un presunto manotazo que na Coruña aínda ninguén ve claro. Ese gol puido cambiar o 3-0 final.
O indulto a Andy (Cartagena): tamén se lle recorda por non expulsar a Andy no duelo contra o Cartagena despois dunha entrada criminal sobre Yeremay Hernández. Que Yeremay saíse ileso foi un milagre, pero que Muñiz Muñoz non sacase a vermella foi unha ofensa para o fútbol.
O "criterio elástico": a sensación en Riazor é que as decisións grises sempre caen do lado contrario cando el está polo medio. De feito, o técnico Antonio Hidalgo xa tivo que pedir explicacións sobre por que o VAR entra nuns manotazos si e noutros penaltis por man non.
Un ambiente caldeado: ¿Provocación ou mala sorte?
A designación chega xusto cando o club e a afección xa estaban recelosos polos arbitraxes das últimas semanas. Que a RFEF envíe ao árbitro máis novo da categoría —e un dos máis cuestionados polo deportivismo— nunha xornada marcada pola mal tempo e cun estadio que vai ser unha caldeira, parece para moitos unha provocación innecesaria.
A alcaldesa Inés Rey e o club pediron prudencia pola borrasca, pero a maior "borrasca" pode estar hoxe no campo se Muñiz Muñoz volve cometer un erro de bulto.
¿Riazor ou Sofá? Guía para seguir o Dépor - Racing de Santander baixo o temporal
Hoxe ás 21:00 horas, Riazor convértese no epicentro do fútbol de Segunda. O Deportivo recibe ao líder, o Racing de Santander, nun duelo con arrecendo a Primeira e coa borrasca Ingrid como convidada de pedra. Despois de romper a mala xeira en Almería, os nosos buscan morderlle os talóns aos cántabros, que só nos sacan catro puntos.
Se es dos que prefire ver como o granizo rebota no cristal mentres animas dende casa, aquí tes onde sintonizar a batalla:
Onde ver o partido na TV e Online
Hoxe non hai escusa, porque a oferta para ver o encontro é ampla:
LaLiga TV Hypermotion: O canal oficial da categoría, dispoñible na maioría de plataformas de pago.
DAZN: Se es dos que usa a App en calquera dispositivo, o partido está incluído no seu catálogo de fútbol.
Amazon Prime Video: A través do seu "channel" de LaLiga TV Hypermotion.
Orange Fútbol 2 e LaLiga TV M2: Outras opcións por se tes o paquete de fútbol noutros operadores.
Minuto a minuto online o radio: nas emisoras locales por radio o internet: Cope, Radio Coruña, Radio Marca o las webs de os periódicos como "La Voz de Galicia"; "DXT", "La Opinión" o webs como "Riazor.org".
O plan "B": O bar de sempre
Se o teu televisor non ten o canal, os bares da Coruña estarán a tope. Iso si, Koruña Rabuña recomenda ir con tempo. Co vento de 80 km/h e a alerta vermella, as terrazas están pechadas, polo que o aforo no interior dos locais vai ser limitado. ¡Non sexas o último en chegar e quedar fóra baixo o temporal!
Hoxe xogamos contra o líder, o máximo rival histórico nesta categoría. Unha vitoria poría o ascenso a tiro de pedra e serviría para borrar aquela derrota (1-2) que nos custou o posto de Idiakez na primeira volta. O Santander vén forte, pero ningunha "Gradona" de afeccionados cántabros nin ningún "maldito" arbitraxe de Muñiz Muñoz debería ser quen de apagar a fame de Riazor.
No hay comentarios:
Publicar un comentario
Tú Koruño o simpatizante de Koruña City cuál es tu opinión???