Festa rachada en Koruña e comarca! A nosa guía para unha fin de semana de troula inesquecible

Ola, rabuñeiros e rabuñeiras! Preparade o corpo porque a nosa casiña e a súa área metropolitana prepáranse para vivir unha desas fins de semana nas que é imposible quedar no sofá. Temos propostas para todos os gustos e idades: dende viaxes no tempo aos anos vinte ata macroverbenas con "polbo e churrasco", festivais urbanos e as nosas romarías de toda a vida.

Fai captura de pantalla, avisa á túa cuadrilla e planifica a túa ruta festiva por Arteixo, Miño, Carral, Oleiros, Betanzos, Coirós e Paderne!

Glamour e ritmos urbanos

Festa 'O Gran Gatsby' en Koruña

O emblemático Casino Atlántico, en plenos Xardíns de Méndez Núñez, transfórmase este 23 de maio nunha auténica cápsula do tempo cara aos felices anos vinte. Prepara os flocos e o traxe de chaqueta porque haberá concurso de disfraces con estética vintage, música inspirada no jazz, sesión de DJ, un photocall de película e sorteos. Unha noite chea de clase e moito ritmo!

Fina Fest en Miño

Se o teu rolo é máis de música urbana, Miño é o teu destino o 22 de maio. A partir das 20:00 horas, arrinca o Fina Fest, un festival que promete poñer a vila do revés con artistas e DJs da talla de Kiko Rivera, David Expósito, Adrián Gold, Planas, Sebas 21 e Unaiii.

Arteixo: O epicentro das verbenas

O municipio de Arteixo tira a casa pola xanela esta fin de semana con dúas celebracións que non te podes perder:

Festas do Espírito Santo (Souto, Freán, Roxiñas, Estación e Zapateira)

Do 20 ao 24 de maio, a gastronomía e as mellores orquestras de Galicia danse a man:

• Xoves 21: Ás 20:00 h, degustación de polbo e churrasco. Ás 22:00 h, verbena con Fania Blanco Show.

• Venres 22: Repetimos menú (20:00 h) para coller forzas de cara á gran verbena coa orquestra Panorama City (22:00 h).

• Sábado 23: Misa ás 13:30 h e sesión vermú con La Conexión. Á noite (20:00 h), máis churrasco e polbo, seguidos da verbena con La Conexión e París de Noia (22:00 h). No descanso, gran sesión de fogos artificiais!

• Domingo 24: Despedida con degustación gastronómica (12:00 h), misa solemne (13:00 h) e sesión vermú co grupo D'Vicio.

Festa das Flores

Tradición, cor e moita vida polas rúas de Arteixo:

• Venres 23: Ás 13:00 h, premios do X Concurso de Maios. Pola noite (22:30 h), verbena coa orquestra New York e o dúo D'Vicio.

• Sábado 24: Un día completiño! Bombas de palenque co grupo Triskel. Ás 12:00 h, Canto e Pandereteira; ás 13:30 h, Xantar de Maiores. A vermú (14:30 h) será con Xilo e Carlos Manteiga. Pola tarde: XXII Encontro de Bandas (19:00 h) e Mostra de Baile (20:00 h). Rematamos a partir das 22:30 h coa orquestra Finisterre e a disco móbil Impacto con DJ Drew Korme.

• Domingo 25: Alfombra floral e procesión con arcos tras a misa das 12:15 h (coa Banda de Santiago de Arteixo). Ás 14:30 h e ás 18:00 h, sesión vermú e tardeo co dúo Kalima 3.0.

• Martes 27: Inauguración da exposición "Cultiva o teu Lecer" ás 17:00 h.

Gastronomía, tradición e encontros na comarca

V Festa do Boi (As Travesas, Carral)

O 23 de maio, Carral ten a cita perfecta para os máis larpeiros. Un menú pechado (30€ ata o 18 de maio, 35€ despois) con entrantes, carne de boi variada, sobremesa, café e bebida. Todo isto amenizado pola disco móbil CDC e o grupo Unión y Fuerza. Ademais, haberá touro mecánico, inchables de balde e sorteos.

XII Festa Amanexa (Lorbé, Oleiros)

Para os defensores das nosas raíces, a pista polideportiva de Lorbé acollerá  o sábado 23 unha gran churrascada popular aderezada con actuacións folclóricas e unha marabillosa foliada libre. Leva a túa pandeireta!

II Xuntanza de Maiores (Betanzos)

O domingo 24, os maiores de 60 anos e pensionistas teñen unha cita na chaira do Pasatempo. Unha xornada entrañable que contará con comida popular, mostra de artesanía e, por suposto, unha animada sesión vermú.

Devoción e festa en Coirós e Paderne

• Souto (Paderne): Celebración o sábado e domingo da Festa da Virxe dos Desamparados cunha fin de semana completa de misas solemnes, procesións, alboradas e música.

• Lesa (Coirós): Homenaxe ao Santísimo Sacramento o 23 e 24 de maio. O sábado tras a misa (13:00 h) actuará o dúo Deluxe, e o domingo (misa ás 13:15 h) será a quenda do dúo Crazy para facer bailar á veciñanza na vermú.

Xa o vedes, en Koruña Rabuña non mentimos cando dicimos que maio vén forte. Tradición, perreo, boas carnes, polbo, foliadas e macroverbenas... Cal é o voso plan escollido? Vémonos nas festas!